నెల్లూరు జిల్లా లో కుండపోత వర్షం

నెల్లూరు,జనసేన ప్రతినిధి మార్చి 26

నెల్లూరు జిల్లా లో ఆదివారం సాయంత్రం కుండపోత వర్షం కురిసింది.కొండాపురం,వింజమూరు, దుత్తలూరు,కలిగిరి,జలదంకి,కావలి మండలాల్లో ని పలు ప్రాంతాల్లో వర్షం కురిసింది.దీంతో రైతులు తీవ్ర ఇబ్బందులకు గురయ్యారు. ముఖ్యంగా ధాన్యం రాశులు, మిరపకాయలు తడిసి ముద్దయ్యాయి. గాలుల ధాటికి ధాన్యం రాశులు పై వేసిన పట్టలు ఎగిరి పోయాయి. రైతులు పండించిన పంటలను తడవ కుండా తీవ్రంగా కష్ట పడాలసి వచ్చింది.కాగా జిల్లా వ్యాప్తంగా మబ్బులు కమ్మేయడం తో వరి కోతలు లో ఉన్న రైతులు తీవ్ర భయాందోళన తో వున్నారు.

ఒక వైపు వరి కోత యంత్రాల కు డిమాండ్ పెరిగింది.మరింత కోతలు ప్రియంగా మారుతున్నాయని రైతులు ఆందోళన వ్యక్తంచేశారు. వడ్ల దళారులు సైతం రక రకాల నిబంధనలు పెట్టి తక్కువ ధరకు ధాన్యాన్ని అడుగుతున్నారని వడ్లను అప్పు కు తీసుకు వెళితే యి స్తారో లేదో నని మరో వైపు ఆందోళన చెందుతున్నారు.వరి రైతు కష్టం ను ప్రతి కుల వాతావరణం తీరని వ్యదను రగులుస్తోంది.