భువనగిరి జనసేన ప్రతినిధి మార్చి 10: రాజపేట మండలం పుట్టగూడెం,కొండ్రెటి చెరువు,మొల్ల గూడెం, పాముకుంట, నర్సపూర్,బేగం పేట,గ్రామల్లో బీర్ల ఫౌండేషన్ సౌజన్యం తో టీపీసీసీ ప్రధాన కార్యదర్శి ఆలేరు నియోజకవర్గ కాంగ్రెస్ పార్టీ ఇంఛార్జి బీర్ల అయిలయ్య వాటర్ క్యాన్లు పంపిణీ చేశారు.ఈ సందర్భంగా బీర్ల అయిలయ్య మాట్లాడుతూ నియోజకవర్గంలోని ప్రతి గ్రామానికి మా ఫౌండేషన్ ద్వారా వాటర్ క్యాన్లు అందజేస్తామని తెలిపారు.ఇప్పటికే నియోజకవర్గ వ్యాప్తంగా అన్ని గ్రామాల్లో వాటర్ ప్లాంట్ లు ఏర్పాటు చేశామని తెలిపారు.
కాంగ్రెస్ పార్టీ అధికారంలోకి వస్తేనే మళ్ళీ అభివృద్ధి జరుగుతుందని తెలిపారు.తెలంగాణ వస్తే అభివృద్ధి జరుగుతుందనుకుంటే ప్రజలకు ఎలాంటి న్యాయం చేయలేదన్నారు.ప్రతి గ్రామంలో గతంలో కాంగ్రెస్ పార్టీ ఇచ్చిన ఇందిరమ్మ ఇళ్లులే ఉన్నాయని తెలిపారు.మళ్ళీ ఇందిరమ్మ రాజ్యం రావాలని వస్తే ప్రతి గ్రామంలో ఇందిరమ్మ ఇళ్ల నిర్మాణం చేస్తామన్నారు.బీర్ల ఫౌండేషన్ తో నియోజకవర్గంలో అనేక రకాలుగా సేవ కార్యక్రమాలు చేస్తున్నామని,నాలుగు అంబులెన్స్ ల తో ఎవరికి ప్రమాదం జరిగిన వారిని ఆస్పత్రికి చేర్చుతున్నామని తెలిపారు.ఈ కార్యక్రమంలో మండల కాంగ్రెస్ పార్టీ శ్రేణులు,ప్రజలు పెద్ద ఎత్తున పాల్గొన్నారు.
