నాగోల్ జనసేన ప్రత్యేక ప్రతినిధి ఏప్రిల్ 10: ఈరోజు నాగోల్ డివిజన్ జైపురీ కాలనీ మసీదు నందు రంజాన్ తోఫా కిట్ల పంపిణీ కార్యక్రమానికి ముఖ్య అతిథిగా హాజరై ముస్లిం సోదర సోదరీమణులకు రంజాన్ తోఫా కీట్లను పంపిణీ చేస్తూ..అడ్వాన్స్ గా శుభాకాంక్షలు తెలుపుతున్న నాగోల్ డివిజన్ కార్పొరేటర్ “చింతల అరుణ-సురేంద్రనాథ్ యాదవ్”. పవిత్ర దైవ గ్రంథం ఖురాను అవతరించినది “రమదాన్” మాసంలోనే కావున రంజాన్ పండుగకు మరో పేరు “ఈద్ ఉల్ ఫిత్ర”.ఈ నెలలో ముస్లింలు భక్తిశ్రద్ధలతో ఉపవాసాలు ఫిత్రా జకాత్ దానధర్మాలు చేస్తుంటారన్నారు.పండుగలు మన జీవన స్రవంతిలో భాగమై మన జాతీయతకు,సంస్కృతీ వికాసానికి దోహదం చేస్తూ ఉన్నాయని ‘పండుగ’ అనేది ఏ మతానికి సంబంధించినదైనా దాని వెనుక ఒక సందేశం దాగి వుంటుందన్నారు.’పండుగ ‘ మానావాళికి హితాన్ని బోధిస్తుంది.
ముస్లింలు అత్యంత పవిత్రంగా జరుపుకునే పండుగ “రంజాన్” పండుగ సైతం ఇదే హితాన్ని మానవాళికి అందిస్తూ..ముస్లింలు చాంద్రమాన కేలండరుని అనుసరిస్తూ..చాంద్రమానాన్ని అనుసరించే ఇస్లామీయ కేలండర్ తొమ్మిదవ నెల “రంజాన్”, దీనిని ముస్లింలు అత్యంత పవిత్రమైనదిగా భావిస్తూ..దానికి ప్రధానమైన కారణం ‘ దివ్య ఖురాన్’ గ్రంథం ఈ మాసంలో అవిర్భవించడమే విశేషమన్నారు.క్రమశిక్షణ,దాతృత్వం,ధార్మిక చింతనల కలయికే “రంజాన్” మాసమని నాగోలు డివిజన్ కార్పొరేటర్ చింతల అరుణ సురేంద్రనాథ్ యాదవ్ పేర్కొన్నారు. ఈ కార్యక్రమంలో ముస్లిం సోదరులు,కార్యకర్తలు తదితరులు పాల్గొన్నారు.
