- పీలేరు పట్టణంలో అట్టహాసంగా సింగల్ విండో నూతన పాలకమండలి ప్రమాణ స్వీకారం.. శాసనసభ్యులు చింతల రామచంద్రారెడ్డి
అన్నమయ్య జిల్లా, జనసేన ప్రతినిధి, డిసెంబర్ 24
తంబళ్లపల్లి : రాష్ట్రంలో నాలుగున్నర సంవత్సరాల వైసిపి పాలనలో సీఎం జగన్ మోహన్ రెడ్డి దేశంలోనే ఆదర్శమైన పరిపాలన చేస్తున్న పాలకుడుగా ప్రజల మన్నలను పొందుతున్నారని, నవరత్న సంక్షేమ పథకాలతో పేదరిక నిర్మూలనే ధ్యేయంగా సీఎం జగన్ మోహన్ రెడ్డి చేస్తున్న కృషి హర్షణీయమని, ఆయన నాయకత్వంలో పనిచేయడం అభినందనీయమని రాజంపేట పార్లమెంటరీ సభ్యులు పెద్దిరెడ్డి వెంకటమిథన్ రెడ్డి అన్నారు.
ఆదివారం పీలేరు పట్టణ కేంద్రంలో అటహాసంగా రాజంపేట ఎంపీ పెద్దిరెడ్డి వెంకట మిథున్ రెడ్డి శాసనసభ్యులు చింతల రామచంద్రారెడ్డి అధ్యక్షతన సింగల్ విండో చైర్మన్ తో పాటు పాలకమండలి ప్రమాణ స్వీకార కార్యక్రమం కనివిని ఎరుగని రీతిలో జరిగింది. ఈ కార్యక్రమానికి ముఖ్య అతిథులుగా మాజీ శాసనసభ్యులు జివి శ్రీనాథ్ రెడ్డి, మైనారిటీ కార్పొరేషన్ చైర్మన్ ఇక్బాల్ అహ్మద్, ఏపీఎండిసి డైరెక్టర్ హరీష్ రెడ్డి, మార్కెట్ యార్డ్ మాజీ చైర్మన్ నల్లారి తిమ్మారెడ్డి హాజరయ్యారు.
సింగల్ విండో చైర్మన్, పాలకమండలి సభ్యులను వైసిపి నాయకులు గజమాలలతో ఘనంగా సత్కరించారు. అనంతరం ఏర్పాటు చేసిన సమావేశంలో ఎంపీ మిథున్ రెడ్డి మాట్లాడుతూ గడిచిన నాలుగున్నర సంవత్సరాల వైసీపీ పాలనలో పేదరిక నిర్మూలనే ధ్యేయంగా ప్రవేశపెట్టిన నవరత్న సంక్షేమ పథకాలతో అన్ని వర్గాల ప్రజలు సుఖ సంతోషాలతో ఉన్నారని, వైయస్ జగన్ రాష్ట్రాన్ని సుభిక్షంగా పరిపాలిస్తూన్నారని,
ఇంతటి ఘనమైన పాలనను కొనసాగిస్తున్న చరిత్ర రాష్ట్రంలో మునుపేన్నడు లేదని కొనియాడారు. నేడు వైసీపీ పాలనలో పార్టీలో అహర్నిశలు కృషి చేసిన పార్టీ కార్యకర్తలకు అందులో బడుగు బలహీన వర్గాల ప్రజలకు సముచిత స్థానం ఇవ్వడం అది జగన్మోహన్ రెడ్డికే దక్కుతుందని కొనియాడారు. వైసీపీ ప్రభుత్వం అమలు చేస్తున్న సంక్షేమ పథకాల వల్ల ప్రజల్లో నేటికీ ఆదరణ తగ్గ పోవడంపై ప్రతిపక్షాలు ఓరువలేకే సీఎం జగన్ మోహన్ రెడ్డి ప్రభుత్వం పై బురదజల్లే కార్యక్రమం పనిగా పెట్టుకున్నారని విమర్శించారు. ప్రజా సంక్షేమమే ధ్యేయంగా పాలన కొనసాగిస్తున్న సీఎం జగనన్న ప్రభుత్వాన్ని ఆదరించాలని ఎంపీ మిథున్ రెడ్డి ప్రజలకు విజ్ఞప్తి చేశారు.
మరొక్క కార్యక్రమంలో ఎంపీ మిథున్ రెడ్డి, శాసనసభ్యులు చింతల రామచంద్రారెడ్డి తదితర వైసిపి ప్రముఖులు విచ్చేసి పీలేరు పట్టణ పరిధిలోని మదనపల్లి రోడ్డు నందు జగనన్న కాలనీ లో దివంగత నేత స్వర్గీయ డాక్టర్ వైయస్ రాజశేఖర్ రెడ్డి విగ్రహావిష్కరణ కార్యక్రమం మరియు లబ్ధిదారులకు ఇళ్ల పట్టాల పంపిణీ కార్యక్రమంలో పాల్గొన్నారు. ఈ కార్యక్రమంలో హౌసింగ్ బోర్డ్ డైరెక్టర్ కారపాకుల భాస్కర్ నాయుడు, పాలకమండలి సభ్యులు, సర్పంచులు, ఎంపీటీసీలు, జడ్పిటిసిలు, కో ఆప్షన్ సభ్యులు, వైసిపి ఇతర పదవి దారులు, పెద్ద ఎత్తున ప్రజలు పాల్గొన్నారు..
———————————-
