చెక్ పోస్ట్ ల వద్ద వాహన తనిఖీల్లో ఎలాంటి రసీదులు లేకుండా 21,27,330/రూ అలాగే 2535.800 లీటర్ల అక్రమ మద్యం సీజ్ -జిల్లా ఎస్పీ డా.బి. బాలస్వామి
జనసేన మెదక్ ప్రతినిధి:ఏప్రిల్ 10:
మెదక్ జిల్లాలో ఎన్నికల కోడ్ లో భాగంగా జిల్లా వ్యాప్తంగా పోలీస్ స్టేషన్ ల పరిధిలో 7 చెక్ పోస్టులలో పోలీస్ అధికారులు చేపడుతున్న తనిఖీలలో ఎన్నికల కోడ్ అమలు అయినప్పటి నుండి ఇప్పటివరకు పోలీస్ స్టేషన్ పరిధిలోని చెక్ పోస్టుల దగ్గర వాహన తనిఖీల్లో ఇప్పటివరకు ఏలాంటి రశీదులు లేని 21,27,330/- రూపాయలను సీజ్ చేసి జిల్లా ఎన్నికల గ్రీవెన్స్ రిడ్రెసల్ కమిటి కి అప్పగించినట్లు అలాగే 17,06,600 రూపాయల విలువ గల ఫ్రీ బీస్,అలాగే 2535.800 లీటర్ల అక్రమ మద్యం వాటి విలువ 9,75,800 రూపాయలు పట్టున్నట్లు ఎస్పీ.డా.బి. బాలస్వామి తెలిపారు.ఎన్నికల కోడ్ అమల్లో ఉన్నందున జిల్లా పరిధిలో ఎవరైన 50 వేల రూపాయల కన్నా ఎక్కువ డబ్బులను తీసుకువెళ్లరాదని ఒక వేళ తీసుకెళ్తే తగిన రశీదులు, పత్రాలు వాటి వివరాలు వెంట తీసుకెళ్ళాలని జిల్లా ఎస్పీ ప్రజలకు సూచించారు.
